1 снежня на 17-й сесіі Міжурадавага камітэта ЮНЭСКА ў Марока прынята рашэнне аб уключэнні ў рэпрэентатыўны спіс нематэрыяльнай культурнай спадчыны чалавецтва саломапляцення Беларусі: мастацтва, рамяство, уменні.

Усім, хто працаваў і працуе на гэтай ніве, не шкадуючы сіл і часу, хто рупліва здабывае кожнае зернетка для нашай любімай справы, дзякуем і жадаем моцы і здароўя, натхнення і добрага надвор'я!

Нашы майстры, што не выпускаюць жытняе сцябло з рук многія гады! Няхай не перарываецца, не высыхае гэта крыніца, а дае нам наталіцца і адчуць адзінства з сусветам.

Дарагія майстры беларускай саломкі, ВІНШУЕМ!!!